本篇重點
次序唔好倒轉：先諗流程，後諗工具。第一，揀最重複、最食你時間的工作落手；第二，用你自己的時薪去計值唔值得自動化；第三，定明邊啲步驟一定要經人審批。三件事諗通，AI 先會幫你慳時間，而唔係製造新工作。
第一件：先諗流程，唔好先諗工具
最常見的錯，係見邊個工具出名就買邊個。結果訂閱開咗五、六個，工作方式原封不動。正確的起點係一張清單：你每星期有邊啲工作係重複出現、規則清楚、又唔需要你親自判斷？查詢回覆、報價跟進、資料入檔、內容起草——通常係頭幾位。由清單最痛嗰項開始，一項行順，先做下一項。
第二件：計你自己的時間值幾錢
AI 工具的訂閱費好平，平到好多人唔計數就買；但真正要計嘅，係你自己的鐘數。假設一條流程每星期食你三個鐘，一年就係百幾鐘——嗰啲時間本來可以用嚟見客、做內容、諗方向。判斷值唔值得自動化，就用呢條數：如果系統幫你攞返一半時間，佢已經回本有餘。相反，一個月先出現一次的工作，花幾日去設定自動化，就唔划算——用人手做返算數。
第三件：定明審批位，唔好全放手
唔係所有步驟都適合全自動。經驗法則：凡係牽涉錢（報價、收款）、客（對客訊息、承諾）、公開內容（出街的文字與圖片），都應該停一停，等人睇過先出。其他規則清楚的內部步驟，先可以放心交俾系統。審批位定得好，你先敢放手俾 AI 做量大的部分——呢個先係慳時間的來源。
結語
工具邊個都買得到，諗通自己公司流程嘅人先用得出效果。唔使一次過諗晒成間公司——揀一條最痛的流程，諗通呢三件事，行出第一步先。
想有人陪你把第一條流程拆開、定好審批位、即場實作？《超級老闆訓練營》就係為此而設。
作者：Mr Patrick｜Future Elite Academy 創辦人，自 2017 年起從事科技與 AI 教育，著重把 AI 變成行得通的商業工作流程。
延伸閱讀
- 〈甚麼是 AI 員工系統？一人公司如何開始〉——方法完整說明
- 〈AI Agent 與 ChatGPT 有甚麼分別？〉——工具分野